 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Слова – добрая замова.
Змова радасьці ўсплыла.
Я вяснова – ня зімова –
Адчуваю плынь цяпла.
Я цяпер абавязкова
Дам сьвятла свайму акну.
А інтымнасьці алькова
Ў верш лірычны не замкну.
Я кажу маёй каханай:
– Ты ўсё ведаеш сама.
Тут на песьні ўскалыханай
Поўнай споведзі няма.
I ўсё тое, што ў алькове
Мы пазналі – толькі ў нас.
Мой агонь таемны ў слове,
Разварушаны, ня згас.
Слова – дзіўная замова.
Ты пачуеш. Прыйдзеш зноў.
I паўторыш тое слова –
У алькове – сто разоў.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
